pustak sameeksha – 1

pustak sameeksha- “zinda hai manto “

kedaaranaath shabd maseeh evan ke.bee.es. prakaashan, dillee kee pustak “zinda hai manto” ek laghu-katha sangrah hai. manto ka naam zehan mein aate hee ek bebaak aphasaanaanigaar kee chhavi ubharatee hai aur is pustak mein likhee sabhee laghu-kathaon ko padhate hue shabd maseeha jee ko paathak, manto ke saanche mein dhalate hue mahasoos karate hain. isako kahane mein mujhe koee atishyokti nahin lagatee ki shabd maseeha jee ne manto kee vichaar-dhaara ko aage badhaane ka kaam is pustak ke maadhyam se kiya hai.

is pustak ke sheershak kee saarthakata isakee kathaon ko padhakar sahaj hee mahasoos kee ja sakatee hain. tathaakathit bold vishay par likhana kahaan aasaan hota hai parantu shabd maseeha jee ne phoohadata se parahej karate hue is vishay par apanee lekhanee se ek alag hee chhaap chhodee jo kaheen na kaheen paatron ke manobhaav ko paathak apane antarman se mahasoos karata hai. baat jab bold vishayon par likhane kee ho to phoohadata ka aarop lagata raha hai aur isase manto bhee bach nahin pae the parantu shabd maseeha jee ne apane paatron kee peeda ko santulit shabdon ka zaama sabhee kathaon mein pahanaaya hai.

is laghu-katha sangrah mein kul 104 kathaen hain jo bina ruke aapake chehare par bhinn-bhinn bhaav-bhangima ukerane mein saksham hai aur sabhee kathaon ko padhane ke baad bhee kathaon ke paatr baar-baar aapako phir se is pustak ko padhane ke lie majaboor karate hain.

16 shabdon kee katha agar aapake zehan mein sada ghoomatee rahe to ye kamaal karane ka maadda shabd maseehaan jee kee lekhanee mein hai. inakee katha “sach” ko padh kar is kamaal ko mahasoos kar sakate hain.

kedaaranaath jee kee do kaavy sangrah poorv mein prakaashit ho chuke hai aur zinda hai manto inaka pahala kahaanee sangrah hai jisako paathakon ka bharapoor pyaar mil raha hai.
naee peedhee ko apanee lekhanee se manto ko parichay karaane ke lie shabd maseeha jee ko saadhuvaad hai.

 

pustak khareedane ke lie niche die gae link ko klik karen.

– © raakesh kumaar shreevaastav “raahee”

Giragit

girgit
Giragit
pahachaan kar bhee, mujhase ve anajaan banate hain,
matalab nikal pade to, mujhe bhaeejaan kahate hain,
jaanata hoon is tarah ke logon ko bahut khoob
rang badalane ye giragit ko bhee sharmasaar karate hain.

jo maan-baap kee ijjat karana, nahin the jaanate,
khud bujurg hue to, beton ko bhejate hain laanaten,
aise hee logon se pareshaan hain, hamaara ye samaaj
rang badalane mein giragit ko guru, hain ye maanate.

vishvaas karake jisane, inako ijjat saump dee,
usakee aabaroo loot kar sadakon par chhod dee,
aise hee logon ke kaaran badanaam hai purush
rang badalane mein inhonne giragit ko bhee maat dee.

sabhee galat kaam karate hain vo chupachaap se,
imaanadaaree ka paath ye padhaate hain shaan se,
aise hee logon ke kaaran ye desh sharmasaar hai
rang badalate hain giragit kee tarah bade aaraam se.

safed kapade pahan kar safed jhooth bolate hain ye,
dharm aur jaati ke naam par desh ko baantate hain ye,
ye agar sahee hon to desh mein aman-chain ho
rang badalane mein giragit ke rishtedaar lagate hain ye.

aao aise logon ko unako ham aukaat dikhaen,
karen ye kitana bhee jatan inake jhaanse mein na aaen,
karmath aur eemaanadaar ummeedavaar ka ham karen chunaav,
rang badale jo giragit jaisa, unako ham sabak sikhaen.

– © raakesh kumaar shreevaastav “raahee”

fatehapur seekaree evan sikandara kee yaatra-vrtaant

 

buland daravaaza ke andar ka painoromeek vyoo (bada dekhane ke lie photo par klik karen.)

      

fatehapur seekaree evan sikandara kee yaatra-vrtaant

julaee ke maheene mein dillee aur aagara kee yaatra ke naam se achchhe-achchhon ko paseene chhootane lagate hai. parantu ghummakaron ko isase kya matalab paseena chhute to chhute yaatra ka mauka nahin chhootana chaahie. to hua yoon ki meree chhotee bahan ke sasuraal vaalon ne ek kaaryakram mein dillee bulaaya. main bhee chhotee bahan se milane ka prograam banaane ka soch hee raha tha. lekin ham bhaarateey “ek panth do kaaj mein vishvaas rakhate hai. atah isee bahaane mainne apane aagara vaale chaacha jee se milane ka bhee prograam bana liya. to tay prograam ke tahat hamalog 24 julaee ko raat mein meharabaag (dayaalabaag, aagara) pahunche. mere paas samay kam tha isalie raat ke khaane ke samay hee chaacha jee ne aadesh suna diya ki kal ham sab ko fatehapur seekaree evan sikandara kee yaatra ke lie ravaana hona hai kyonki 26 julaee kee shaam ko taaz eksapres se hamen dillee bhee jaana tha.

subah hamalog naasta karane ke baad fatehapur seekaree ke lie ravaana ho gae. aagara shahar se nikalate hee shaant-vaataavaran milane par thodee raahat milee aur hamalogon ko lagabhag 45 minat ke baad fatehapur seekaree ka pravesh dvaar aagara get ka darshan hua. aaj bhee aagara get apane mugaliya andaaj mein bade shaanon-shaukat ke saath khada hai aur paryatakon ka svaagat shaahee andaaj mein karata hai.

(aagara get )

isake andar pravesh karate hee mugal saamraajy ke raajadhaanee kee kahaanee ko bayaan karatee khandaharon se ru-ba-ru hote hue hamalog taiksee staind pahunche. yahaan par lokal gaeed ne gher liya aur kaha ki yahaan se bas bhee jaatee hai, jo kee thodee door par hai aur jab tak bas bhar nahin jaatee tab tak intazaar karana padega. atah usakee salaah par oto se buland daravaaja tak jaane ke lie chale.buland daravaaza pahunchane ke lie jahaan se chadhaee shuroo hotee hai vahaan se aage oto nahin jaata hai. lagabhag aadha ki.mee. paidal chalane par buland daravaaza ka mahal dikha.

buland daravaaja ka saeed vyoo

kuchh hee kadam par chalane par apane naamakaran ke anuroop buland daravaaza mere saamane khada tha.itihaasakaaron ke nazar mein buland daravaaza ka nirmaan akabar ne gujaraat par vijay kee smrti mein banavaaya tha. parantu main jab dakshin se buland daravaaza mein pravesh kiya to saamane safed rang kee sangamaramar se bana sundar maqabara saleem chistee ka dikha aur dekhate hee yah vichaar aaya ki saleem chistee ke prati apaar shraddha rakhane vaale vaale akabar ne avashy hee unake shaan mein yah daravaaza banavaaya hoga. yah vah buland daravaaza hai jisamen pravesh kar koee bhee vyakti saleem chistee ke daragaah se mannat maangata hai to usakee maang avashy puree hotee hai. jitana bhavy buland daravaaza hai utana hee shaant evan saumy saleem chistee ka daragaah. yah daravaaza aam logon ke lie tha.

buland daravaaza ka phrant vyoo

saleem chistee ka daragaah

baadashaahee daravaaza poorv kee disha mein sthit hai aur is pravesh dvaar se ghusate hee saamane jaamee masjid dikhata hai. andar pravesh karate hee vishaal praangan hain jisake uttar mein saleem chistee ka daragaah evan unake sambandhiyon ka maqabara hai . buland daravaaza mahal ka vaastu-shilp adabhut hai. yah mahal puraatatv vibhaag ke adheen hone ke baad bhee is mahal par sthaaneey vikretaon ka kabza hai. vaqf bord, daragaah parisar mein dhaarmik gatividhiyon ke lie jimmedaar hai. yahaan par saamaan ya maal bechana evan bheekh maangana mana hai lekin yahaan aisa kuchh dikhata nahin hai. mazaar par chaadar chadhaane ke lie chaadar evan phul mahal ke andar hee bikate hai. isake alaava shrrngaar ka saamaan, topee, maala evan any saamaan bhee bikate hain. pravesh shulk nahin hone ke kaaran paryatak se jyaada sthaaneey logon kee sankhya thee jo paryatakon se gaid banakar ya shero-shaayaree sunaakar paise lete hai. isake aas-paas ka sthaan par bhee sthaaneey logon ka kabza hai. buland daravaaje ke aas-paas gandagee phailee huee hai. yahaan aakar aap shaanti se is mugaliya nishaanee ko mahasoos nahin kar sakate aur na hee aapako yahaan sahee jaanakaaree dene vaala koee gaid milega.

baadashaahee daravaaza

jaamee masjid

 

navaab islaam khaan ka maqabara

buland daravaaza ka pichhala bhaag

baadashaahee daravaaje ke baahar saamane shabistaan-e-iqabaal (jodhaabaee ka mahal) aur rasoee ghar ke alaava any bhavan hai. yah aakarshak mahal akabar ka mukhy haram tha, jo galatee se jodhaabaee ka mahal maana jaata hai. isamen ek chaukor aangan ke kinaare anek kamare hain. beech tatha konon mein sthit kamare do manjil ke hain. pashchim mein susajjit stambhon par aadhaarit ek mandir bhee hai.

jodha baee ka mahal
jodhaabaee ke mahal ka aangan
jodhaabaee ka rasoee-ghar

fatehapur seekaree akabar kee raajadhaanee thee. isake raajakeey kshetr ko nau kilomeetar lambee vishaal deevaar jisamen pravesh hetu nau get hai evan pashchim mein ek bahut bade praakrtik taalaab se is shahar ko ek surakshit kile ka roop diya gaya tha. yah mugalon dvaara banaaya gaya pahala poorv niyojit shahar hai. chand imaaraton evan deevaaron ko chhod sabhee imaaraten khandahar mein tabdeel ho gae hain. paanee kee samasya ke kaaran akabar ko doosaree jagah raajadhaanee banaanee padee. buland daravaaza eshiya ka sabase bada daravaaza hai.

hamalog shabistaan-e-iqabaal (jodhaabaee ka mahal) ka darshan kar baahar aae to paryatak vibhaag kee bas khadee milee. hamalog us par savaar hokar bas staind aa gae jo kee taiksee staind se 250 mee. kee duree par hee tha. bas staind ke paas hee paryatak vibhaag ka gulistaan naam ka hotal hai. vahaan ham logon ne khaana khaaya aur chal pade sikandara ke lie.

sikandara mein akabar evan jodhaabaee (mariyam zamaanee) ke do pramukh maqabaren hain. yamuna nadee ke kinaare akabar ka makabara hai. is vishaal makabara ka nirmaan kee shuruaat akabar ne kee aur is shahar ka naam bahishtaabaad rakha. abhee ye makabara banana shuroo hee hua tha ki 1605 ee. mein akabar kee mrtyu ho gaee. isake baad jahaangeer ne isaka nirmaan karaaya aur usee dauraan isake kuchh hee dooree par kaanch mahal ka nirmaan karaaya. yah mahal haram ya striyon ka aavaas-grh tha.jisaka upayog baadashaah jahaangeer shikaaragaah ke roop mein karata tha. akabar ka makabara ke paas sadak ke doosaree taraph jodhaabaee (mariyam zamaanee) ka maqabara hai jo raaja bhaaramal kee betee evan jahaangeer kee maan thee. jahaangeer ke janm par jodhaabaee ko mariyam zamaanee (vishv par daya rakhane vaalee) ka khitaab akabar ne diya. is makabare ka nirmaan bhee jahaangeer ne karavaaya.

akabar ka maqabara ka mukhya dvaar
akabar ka maqabara ke andaroonee dvaar
akabar ka maqabara ke saamane
kaanch mahal ke peechhe purush-ghar
kaanch mahal ka saeed vyoo
kaanch mahal
mariyam zamaanee (jodhaabaee) ka maqabara
thoda itihaas se itar :

jodha-akabar kee kahaanee to aap sab jaanate hai aur isake oopar banee philm evan seeriyal ke vivaadon ke baare mein suna hoga. raajapooton ka kahana hai ki vastutah jodha-akabar kee kahaanee kuchh is prakaar hai – jayapur ke raaja kee patnee jodhapur kee thee aur unakee parshiyan daasee kee ek putree huee. raanee ne daasee ko vachan diya ki daasee kee putree ko apanee putree banaegee aur usakee shaadee raajagharaane mein karengee aur yahee mansha usane apane pati aamer ke raaja bhaaramal ko pratham milan mein bataayee to raaja bhaaramal ne raanee ko vachan diya ki aisa hee hoga. jab harakhoo badee huee to koee raajapoot usase vivaah karane ko raajee nahin hua kyonki vah raajapoot na hokar ek daasee-putree thee. jab akabar ajamer shareef ja rahe the to bhaaramal ke yahaan ruke aur unakee chinta ko door karate hue bhaaramal se kaha ki main bhee raajapoot nahin hoon parantu mera paalan-poshan raajapoot parivaar mein hua aur vaisee hee sthiti aapakee betee ka bhee hai to agar aapako koee aapatti na ho to main aapakee betee se vivaah karane ko taiyaar hoon. is prakaar jodhaabaee evan akabar ka vivaah hua.
vistaar se padhane ke lie link ko klik karen.
http://www.thikanarajputan.in/jodh-bai-raial-story-history-of-jodh-akbar/

khair! 26 julaee kee subah hamalog taaz mahal dekhane gae. taaz mahal ke baare mein likhane nahin ja raha hoon parantu kuchh tasveeren saanjha karana chaahata hoon. to prastut hai tasveeren :-

vaah taaz kahana to banata hai.

mere putr dvaara taaz mahal ke jharokhe se lee gaee tasveer.

aagara kee yaatra garmee evan paseene ke saath karanee padee parantu aagara ne niraash nahin kiya 26 julaee shaam ka jhamaajham baarish ka nazaara len. dhanyavaad.
– © raakesh kumaar shreevaastav “raahee”

 

Vaakyaansh- Pesha

site

Vaakyaansh- Pesha

Apane pita jee ke divangat hone ke baad Deenaanaath jee ne sevaanivrti uparaant apane paitrik gaanv mein basane ka nirnay liya. Khet-khalihaanon se pyaar unake rag-rag mein basa tha. Jab kabhee unako naukari se chhutti milati ve gaanv chale jaate.  Kheti-baadi mein khulakar tan-man-dhan se apane pita jee ko sahayog karate. Unake pita jee dooradarshi the is lie unhonne jeete jee jamin-jaayadaad ka rajistard batavaara teeno beton ke naam kar diya. Yah baat unake maranoparaant hee unake teenon beton ko pata chali . Tab Deenaanaath jee ke sevaanivrti mein abhi do varsh shesh the. Deenaanaath jee ke donon bhai jyaada padh nahin paaye isalie ve kheti-baadi par hee aashrit the. Donon bhai saparivaar kheti-baadi ke kaary mein jute the aur maze mein apana jeevokopaarjan kar rahe the . Donon bhaiyon ke ghar mein traiktar, gaay-bhains, LED Tv, Friz aadi sabhi prakaar ke sukh suvidhaayen upalabdh thi. shahar ke vistaar hone kaaran Deenaanaath jee ka gaanv ab shahar ke sarahad mein aa gaya tha. Malti-Neshanal kampaniyaan ke nae-nae projekt gaanv ke aas-paas lagaane se bijalee, paani aur sadakon ki uttam vyavastha ho gaee thee. Khair ! Deenaanaath jee ne do saal mein ek sundar makaan banavaaya choonki pushtainee makaan mein unake donon bhaiyon ne kabza jama liya tha aur ve sevaanivrti uparaant apanee patni evam ek maatr ladake ke saath gaanv mein aakar bas gae. Unaka ladaka grejueshan karake berojagaar tha aur usaki sarakaari naukaree ke aavedan karane ki umr paatrata bhee khatm ho gaee thi. Deenaanaath jee ne socha chalo eeshvar kripa se itani upajaoo jameen hai. Beta mehanat karega to usakee shaadi kar denge aur usaki zindagee khushahaal ho jaegi. isi soch ke saath vah subah uthe. Subah baap-bete ne naasta kiya usee dauraan Deenaanaath jee ne bete se kaha ki aaj tumhen mere saath khet par chalana hai. Baap-bete donon taiyaar hokar traiktar se khet kee taraph nikal pade.Khet ke vishaal bhoo-khand ko dekh kar seena chauda kar ke Deenaanaath jee ne apane bete se kaha -” Dekho ye hamaari viraasat hai aur isako aage chal kar tumhe sambhaalana hai isalie isame tum roochi lena shuroo karo.”

Bete ne bhee khushee-khushee haan mein haan milaee. usane chaaron taraph nazar daudaee, chand tukade khet ko chhod kar sabhee taraph use phaiktree, maul aur naee -naee kolonee ke plot dikhaee de rahe the.

Deenaanaath jee ne bete se kaha – “Kheton mein mainne dhaan ke beej daal die the. kal dhaan ke paudhon ko pure khet mein lagaana hai isaliye majadooron ki jarurat hogee. Chalo ! Unakee bastee chalate hai.”

Itana sunate hi unaka beta traiktar se kood pada aur jor se bola – “Achchha pita jee! Aap chaahate hain ki main kheti karoon parantu main aapako saaf-saaf bata dena chaahata hoon ki main is khet ki ploting to kar sakata hoon parantu kheti nahin.”

Itana sunate hee Deenaanaath jee ko laga jaise beta kah raha ho ki main aapaki seva to nahin kar sakata apitu antim sanskaar avashy kar sakata hoon. Deenaanaath jee yah baat sahan nahin kar pae aur hrdayaaghaat ke kaaran vaheen traiktar se gir pade.

Aaj vahaan pairaadaij hausing sosaiti ka bord laga hai aur unaka beta bichauliyon ke jaal mein phans kar nashe ka aadi ho gaya. Sab kuchh bik jaane ke baad aaj Deenaanaath jee ka beta pairaadaij hausing sosaiti ke kaantrektar ke adhin kaam kar raha hai.

vaakyaansh – “shabd–samooh ke lie ek shabd”

– © RAKESH KUMAR SRIVASTAVA “RAHI”

Vakyaansh- Khushali

download
Chitr http://www.hotelsinmahabaleshwar.net.in/ se sabhar

 

Vakyaansh- Khushali

Mere mitr Shyaamacharan ji ne aadhi se adhik umr kiraaye ke ek hi makaan mein gujaar di. Do kamaron ke us makaan mein apane bachchon ke saath unake yahaan aane vaale mehamaanon ke lie bhi jagah mil jaati thi. Aarthik pareshaaniyon ke baavajood unake makaan mein aane vaale mehamaanon ka svaagat svaadisht vyanjanon se hota, yahee kaaran tha ki mehamaan bhee svaad lolupata ko tyaag nahin kar paate aur yaatra kaheen ka bhi ho bich mein vishraam sthal Shyaamacharan ji ke ghar ke lie bana hi lete the. Hansee-thahaako se unaka makaan sada gunjaayamaan rahata tha. Apanee patni ki zid ke kaaran sevaanivrti uparaant mile paison se ek makaan banaakar rahane lage. Apani ikalauti beti ki shaadi ve pahale hi kar chuke the aur naukari lagate hee beton ki bhi shaadi kar die aur jald hee unake donon bete apani patneeyon ko le kar apane-apane shahar chale gaye. Shyaamacharan ji ka makaan shahar se door hone ke kaaran mehamaanon ka aana-jaana band ho gaya aur bachchon ke nahin rahane ke kaaran paanch kamaron ka makaan mein sannaata pasara rahata. Is nai koloni mein bujurgon ki sankhya na ke baraabar thi aur naye peedhi ko bujurgon se baat karane ke liye na samay tha na hi jarurat. Ek din main Shyaamacharan ji se milane unake ghar chala gaya to unaki patni ne kaha- “Shreevaastav bhai saahab kya bataoon yahaan kisi se baat na karane ke kaaran munh dukhane lagata hai jabadon mein jakadan si aa gai hai.”

Is vaaqiya ke bite abhi do maheene bhi nahin hue the ki pata chala Shyaamacharan ji ki patni paralok sidhaar gai. Shyaamacharan ji apane bade bete ke paas gudagaunv chale gae aur yahaan khaalee pade makaan mein daraaren padane lagi thi.
Kisi kaaryavash mujhe gudagaunv jaane ka mauka mila to shaam ke vakt unake bete ke ghar pahuncha. Ghar kya tha mahal tha, daravaaje par darabaan ko mainne apana parichay diya to usane intarakom se baat kar mujhe andar jaane diya. lawn paar karate hee baraamade mein Divaakar khada mila. Usane namaste chaacha jee kah kar garm joshee se svaagat kiya. Hamalog gest room mein baith kar ek doosare ka haalachaal poochh rahe the tabhi mainne Shyaamacharan se milane ki ichchha jatai. Usane kaha ki main pata karata hoon.
Mainne poochha – Pata karata hoon, kya matalab hai Divaakar!
Divaakar ne kaha – “Aisa hai chaacha ji main niche office mein kaam karata hoon aur Monika club gai hui hai aur bachche school se seedha tution chale jaate hai aur ve raat ko ghar pahunchate hain. Aise mein pita ji ghar mein hai ya lawn ke kisi ped ke niche baithe hai pata karake bataata hoon.”
Usane ghanti bajai aur vahaan ek sundar stri upasthit hui. Usane raubadaar aavaaz mein aadesh diya- “Dekho ! Pita jee kahaan hain pata karo aur unase kaho ki unase koi milane aaya hai.”
Vo chali gai. Main stabdh tha aur us sundar stri ko jaate dekh main ulajhan mein tha tabhi Divaakar ne kaha – “Ye meri parichaarika hai.”
Thodi der mein parichaarika haamfati hui upasthit hui aur boli paapa ji bangale ke pichhe ped ke niche baithe hai aur kah rahen hai ki jise bhi milana ho vo yahaan par aaye. Divaakar ka chehara thoda utar sa gaya aur jhepate hue bola chaacha ji main jaakar bulaata hoon.
Mainne kaha – “Rahane do main Shyaam se vaheen mil leta hoon.”
Usane parichaarika ko ishaare mein mujhe Shyaamacharan ke paas le jaane ko kah kar saamane office room mein chala gaya. Main bhi parichaarika ke pichhe-peechhe chal pada. pahale study room, daining room, kichen room, swiming pool aur biliyard room ke baad lawn dikha. Kuchh kadam chalane par ek ped ke neeche kursee par Shyaam chupachaap prakrti ko nihaar raha tha. Mainne jaise hi aavaaj di vah palat kar dekha aur khil pada. Lagabhag daudata hua aa kar gale laga aur rote hue bola – “Shreevaastav! Muddaton baad kisee ne mujhe pyaar se pukaara hai aur mujhe kisee kee privacy mein dakhal dene kee izaazat nahin hai, is lie main aksar yaheen baith jaata hoon in bejubaan ped-paudhon aur chidiyon se baat karane.”
Meri aankhen bhar aayee aur main kho gaya un thahaakon bharee mahafil ke shor mein jo akasar Shyaam ke ghar ki khidaki se sunaee deti thi jab bhi main gujarata tha usake ghar ke gali se.

vaakyaansh – “shabd–samooh ke lie ek shabd”

– © Rakesh Kumar Shrivastav “rahi”