kalam kee aavaaz

kalam kee aavaaz 

nahin tum banana saahityakaar,
nahin tum banana rachanaakaar,
rojee-rotee ye nahin degee
na koee sapana hoga saakaar,
nahin tum banana saahityakaar ……

pesha koee bhee chal jaega,
tum ko sab kuchh mil jaega,
sukh-samrddhi tere ghar mein hoga
hoga naukar bangala motar kaar
nahin tum banana saahityakaar ……

blaik-manee, rishvatakhoree ka alag se alakh jagaana,
bhog-vilaas ke sabhee saadhan tumako ghar mein hai laana,
koee bhookh se mar jae ya koee kisee kee asmat loote
tum ko isase kya lena isake lie hai saahityakaar,
nahin tum banana saahityakaar ……

gar tum phir bhee nahin maane,
to sun lo phir kya hoga,
mahafil mein vaah-vaahee hogee
par ghar isase nahin chalega .

duniyaan kee saaree samasya par
kaagaz kaala karate hee rahana
bhains ke aage been bajaakar
apana sir hee dhunate rahana
phir bhee hausala hai tum mein
to hee banana saahityakaar.

samaaj ko dikhaate raho tum hee aaeena
gareeb aur majaloom kee aavaaz uthaana
tumhaaree kalam hee hai ab inakee aas
kaheen kho na jae inakee maun cheetkaar
tum jaroor banana saahityakaar……

samaajavaad ka paracham laharega,
na koee bhookha marega,
na kisee kee asmat hee lutegee,
jiyenge phir sabhee shaan se
sabaka sapana hoga saakaar,
tum jaroor banana saahityakaar……

teree kalam se ik din bhaiya
inqalaab ka sooraj bhee nikalega,
beeemaanon aur rishvatakhoron ko
unake karatooton kee saza milegee.
tum jaroor banana saahityakaar……

– © raakesh kumaar shreevaastav “raahee”

Hindi me padhane ke liye niche link ko click karen:-

http://rakeshkirachanay.blogspot.in/2017/02/blog-post_17.html

Advertisements

prem-geet

 prem-geet

jee na sakoonga tum bin main yaara,
gar tune mujhako pyaar se pukaara,
main tumase pyaar karoonga,
na inkaar karoonga,
ho jaoonga main tumhaara ,
sun le too ye mere yaara .

ham saath chalen jaise nadee aur kinaara,
nahin saath chhoote kabhee hamaara-tumhaara,
tum bin ab jee na sakoonga,
main tumase pyaar karoonga,
ho jaoonga main tumhaara ,
sun le too ye mere yaara .

jab tak hai aasamaan mein chaand aur sitaara,
raushan rahega tab tak pyaar hamaara,
main tujhe naaz se rakhoonga,
main tumase pyaar karoonga,
ho jaoonga main tumhaara ,
sun le too ye mere yaara .

maje mein chalegee mere jeevan kee dhaara,
jabase milega mujhe saath tumhaara,
dil mein tujhe chhupa loonga,
main tumase pyaar karoonga,
ho jaoonga main tumhaara ,
sun le too ye mere yaara .

lo aa gaee, teree baahon mein yaara,
nahin chhodana kabhee daaman hamaara,
main tumase pyaar karoongee,
na inkaar karoongee,
ho jaoongee main tumhaaree ,
sun le too ye mere yaara .

– © raakesh kumaar shreevaastav “raahee”

 प्रेम-गीत

जी ना सकूँगा तुम बिन मैं यारा,
गर तुने मुझको प्यार से पुकारा,
मैं तुमसे प्यार करूँगा,
ना इंकार करूँगा,
हो जाऊँगा मैं तुम्हारा ,
सुन ले तू ये मेरे यारा .

हम साथ चलें जैसे नदी और किनारा,
नहीं साथ छूटे कभी हमारा-तुम्हारा,
तुम बिन अब जी ना सकूंगा,
मैं तुमसे प्यार करूँगा,
हो जाऊँगा मैं तुम्हारा ,
सुन ले तू ये मेरे यारा .

जब तक है आसमां में चाँद और सितारा,
रौशन रहेगा तब तक प्यार हमारा,
मैं तुझे नाज़ से रखूंगा,
मैं तुमसे प्यार करूँगा,
हो जाऊँगा मैं तुम्हारा ,
सुन ले तू ये मेरे यारा .

मजे में चलेगी मेरे जीवन की धारा,
जबसे मिलेगा मुझे साथ तुम्हारा,
दिल में तुझे छुपा लूँगा,
मैं तुमसे प्यार करूँगा,
हो जाऊँगा मैं तुम्हारा ,
सुन ले तू ये मेरे यारा .

लो आ गई, तेरी बाहों में यारा,
नहीं छोड़ना कभी दामन हमारा,
मैं तुमसे प्यार करूँगी,
ना इंकार करूँगी,
हो जाऊँगी मैं तुम्हारी ,
सुन ले तू ये मेरे यारा .

– © राकेश कुमार श्रीवास्तव “राही”

pustak sameeksha – 1

pustak sameeksha- “zinda hai manto “

kedaaranaath shabd maseeh evan ke.bee.es. prakaashan, dillee kee pustak “zinda hai manto” ek laghu-katha sangrah hai. manto ka naam zehan mein aate hee ek bebaak aphasaanaanigaar kee chhavi ubharatee hai aur is pustak mein likhee sabhee laghu-kathaon ko padhate hue shabd maseeha jee ko paathak, manto ke saanche mein dhalate hue mahasoos karate hain. isako kahane mein mujhe koee atishyokti nahin lagatee ki shabd maseeha jee ne manto kee vichaar-dhaara ko aage badhaane ka kaam is pustak ke maadhyam se kiya hai.

is pustak ke sheershak kee saarthakata isakee kathaon ko padhakar sahaj hee mahasoos kee ja sakatee hain. tathaakathit bold vishay par likhana kahaan aasaan hota hai parantu shabd maseeha jee ne phoohadata se parahej karate hue is vishay par apanee lekhanee se ek alag hee chhaap chhodee jo kaheen na kaheen paatron ke manobhaav ko paathak apane antarman se mahasoos karata hai. baat jab bold vishayon par likhane kee ho to phoohadata ka aarop lagata raha hai aur isase manto bhee bach nahin pae the parantu shabd maseeha jee ne apane paatron kee peeda ko santulit shabdon ka zaama sabhee kathaon mein pahanaaya hai.

is laghu-katha sangrah mein kul 104 kathaen hain jo bina ruke aapake chehare par bhinn-bhinn bhaav-bhangima ukerane mein saksham hai aur sabhee kathaon ko padhane ke baad bhee kathaon ke paatr baar-baar aapako phir se is pustak ko padhane ke lie majaboor karate hain.

16 shabdon kee katha agar aapake zehan mein sada ghoomatee rahe to ye kamaal karane ka maadda shabd maseehaan jee kee lekhanee mein hai. inakee katha “sach” ko padh kar is kamaal ko mahasoos kar sakate hain.

kedaaranaath jee kee do kaavy sangrah poorv mein prakaashit ho chuke hai aur zinda hai manto inaka pahala kahaanee sangrah hai jisako paathakon ka bharapoor pyaar mil raha hai.
naee peedhee ko apanee lekhanee se manto ko parichay karaane ke lie shabd maseeha jee ko saadhuvaad hai.

 

pustak khareedane ke lie niche die gae link ko klik karen.

– © raakesh kumaar shreevaastav “raahee”

Shram Evam Parishram

slogan-51

shram evam parishram
maa! mujhako to aasamaan mein chaand, gend jaisa dikhata hai,
kyoon phir? raamoo kaaka ko chaand, rotee jaisa dikhata hai.

maa! mujhako to keval, saaf-suthara kapada hee achchha lagata hai,
kyoon phir? unako sirph maila-kuchaila kapada achchha lagata hai.

beta! parishram evan shram karane mein bahut antar hota hai,
saakshar ho kar mehanat kare jo vo sada sukhee hota hai.

beta! shram karane vaale ko keval gehoon hee milata hai,
parishram karane vaale ko gehoon aur gulaab milata hai.

sarasvatee maan kee jo aaraadhana tan-man se karata hai,
vidya paakar vo maanav sukhee jeevan-yaapan karata hai.

maa! main raamoo kaaka ko likhana padhana sikhaoonga,
agyaan ka andhera unake jeevan se mitaoonga.

shram ke bina kisee ko jeevan jeena hee mushkil hai,
par parishram karane vaalon ka bhavishy bhee ujjval hai.

note-shram ka taatpary shaareerik shram se hota hai
parishram ka taatpary jisame shaareerik aur maanasik donon prakaar ka shram se hota hai

gehoon ham khaate hain, gulaab soonghate hain. ek se shareer kee pushti hotee hai, doosare se maanas trpt hota hai.- “raamavrksh beneepuree”

– © raakesh kumaar shreevaastav “raahee”

Giragit

girgit
Giragit
pahachaan kar bhee, mujhase ve anajaan banate hain,
matalab nikal pade to, mujhe bhaeejaan kahate hain,
jaanata hoon is tarah ke logon ko bahut khoob
rang badalane ye giragit ko bhee sharmasaar karate hain.

jo maan-baap kee ijjat karana, nahin the jaanate,
khud bujurg hue to, beton ko bhejate hain laanaten,
aise hee logon se pareshaan hain, hamaara ye samaaj
rang badalane mein giragit ko guru, hain ye maanate.

vishvaas karake jisane, inako ijjat saump dee,
usakee aabaroo loot kar sadakon par chhod dee,
aise hee logon ke kaaran badanaam hai purush
rang badalane mein inhonne giragit ko bhee maat dee.

sabhee galat kaam karate hain vo chupachaap se,
imaanadaaree ka paath ye padhaate hain shaan se,
aise hee logon ke kaaran ye desh sharmasaar hai
rang badalate hain giragit kee tarah bade aaraam se.

safed kapade pahan kar safed jhooth bolate hain ye,
dharm aur jaati ke naam par desh ko baantate hain ye,
ye agar sahee hon to desh mein aman-chain ho
rang badalane mein giragit ke rishtedaar lagate hain ye.

aao aise logon ko unako ham aukaat dikhaen,
karen ye kitana bhee jatan inake jhaanse mein na aaen,
karmath aur eemaanadaar ummeedavaar ka ham karen chunaav,
rang badale jo giragit jaisa, unako ham sabak sikhaen.

– © raakesh kumaar shreevaastav “raahee”

fatehapur seekaree evan sikandara kee yaatra-vrtaant

 

buland daravaaza ke andar ka painoromeek vyoo (bada dekhane ke lie photo par klik karen.)

      

fatehapur seekaree evan sikandara kee yaatra-vrtaant

julaee ke maheene mein dillee aur aagara kee yaatra ke naam se achchhe-achchhon ko paseene chhootane lagate hai. parantu ghummakaron ko isase kya matalab paseena chhute to chhute yaatra ka mauka nahin chhootana chaahie. to hua yoon ki meree chhotee bahan ke sasuraal vaalon ne ek kaaryakram mein dillee bulaaya. main bhee chhotee bahan se milane ka prograam banaane ka soch hee raha tha. lekin ham bhaarateey “ek panth do kaaj mein vishvaas rakhate hai. atah isee bahaane mainne apane aagara vaale chaacha jee se milane ka bhee prograam bana liya. to tay prograam ke tahat hamalog 24 julaee ko raat mein meharabaag (dayaalabaag, aagara) pahunche. mere paas samay kam tha isalie raat ke khaane ke samay hee chaacha jee ne aadesh suna diya ki kal ham sab ko fatehapur seekaree evan sikandara kee yaatra ke lie ravaana hona hai kyonki 26 julaee kee shaam ko taaz eksapres se hamen dillee bhee jaana tha.

subah hamalog naasta karane ke baad fatehapur seekaree ke lie ravaana ho gae. aagara shahar se nikalate hee shaant-vaataavaran milane par thodee raahat milee aur hamalogon ko lagabhag 45 minat ke baad fatehapur seekaree ka pravesh dvaar aagara get ka darshan hua. aaj bhee aagara get apane mugaliya andaaj mein bade shaanon-shaukat ke saath khada hai aur paryatakon ka svaagat shaahee andaaj mein karata hai.

(aagara get )

isake andar pravesh karate hee mugal saamraajy ke raajadhaanee kee kahaanee ko bayaan karatee khandaharon se ru-ba-ru hote hue hamalog taiksee staind pahunche. yahaan par lokal gaeed ne gher liya aur kaha ki yahaan se bas bhee jaatee hai, jo kee thodee door par hai aur jab tak bas bhar nahin jaatee tab tak intazaar karana padega. atah usakee salaah par oto se buland daravaaja tak jaane ke lie chale.buland daravaaza pahunchane ke lie jahaan se chadhaee shuroo hotee hai vahaan se aage oto nahin jaata hai. lagabhag aadha ki.mee. paidal chalane par buland daravaaza ka mahal dikha.

buland daravaaja ka saeed vyoo

kuchh hee kadam par chalane par apane naamakaran ke anuroop buland daravaaza mere saamane khada tha.itihaasakaaron ke nazar mein buland daravaaza ka nirmaan akabar ne gujaraat par vijay kee smrti mein banavaaya tha. parantu main jab dakshin se buland daravaaza mein pravesh kiya to saamane safed rang kee sangamaramar se bana sundar maqabara saleem chistee ka dikha aur dekhate hee yah vichaar aaya ki saleem chistee ke prati apaar shraddha rakhane vaale vaale akabar ne avashy hee unake shaan mein yah daravaaza banavaaya hoga. yah vah buland daravaaza hai jisamen pravesh kar koee bhee vyakti saleem chistee ke daragaah se mannat maangata hai to usakee maang avashy puree hotee hai. jitana bhavy buland daravaaza hai utana hee shaant evan saumy saleem chistee ka daragaah. yah daravaaza aam logon ke lie tha.

buland daravaaza ka phrant vyoo

saleem chistee ka daragaah

baadashaahee daravaaza poorv kee disha mein sthit hai aur is pravesh dvaar se ghusate hee saamane jaamee masjid dikhata hai. andar pravesh karate hee vishaal praangan hain jisake uttar mein saleem chistee ka daragaah evan unake sambandhiyon ka maqabara hai . buland daravaaza mahal ka vaastu-shilp adabhut hai. yah mahal puraatatv vibhaag ke adheen hone ke baad bhee is mahal par sthaaneey vikretaon ka kabza hai. vaqf bord, daragaah parisar mein dhaarmik gatividhiyon ke lie jimmedaar hai. yahaan par saamaan ya maal bechana evan bheekh maangana mana hai lekin yahaan aisa kuchh dikhata nahin hai. mazaar par chaadar chadhaane ke lie chaadar evan phul mahal ke andar hee bikate hai. isake alaava shrrngaar ka saamaan, topee, maala evan any saamaan bhee bikate hain. pravesh shulk nahin hone ke kaaran paryatak se jyaada sthaaneey logon kee sankhya thee jo paryatakon se gaid banakar ya shero-shaayaree sunaakar paise lete hai. isake aas-paas ka sthaan par bhee sthaaneey logon ka kabza hai. buland daravaaje ke aas-paas gandagee phailee huee hai. yahaan aakar aap shaanti se is mugaliya nishaanee ko mahasoos nahin kar sakate aur na hee aapako yahaan sahee jaanakaaree dene vaala koee gaid milega.

baadashaahee daravaaza

jaamee masjid

 

navaab islaam khaan ka maqabara

buland daravaaza ka pichhala bhaag

baadashaahee daravaaje ke baahar saamane shabistaan-e-iqabaal (jodhaabaee ka mahal) aur rasoee ghar ke alaava any bhavan hai. yah aakarshak mahal akabar ka mukhy haram tha, jo galatee se jodhaabaee ka mahal maana jaata hai. isamen ek chaukor aangan ke kinaare anek kamare hain. beech tatha konon mein sthit kamare do manjil ke hain. pashchim mein susajjit stambhon par aadhaarit ek mandir bhee hai.

jodha baee ka mahal
jodhaabaee ke mahal ka aangan
jodhaabaee ka rasoee-ghar

fatehapur seekaree akabar kee raajadhaanee thee. isake raajakeey kshetr ko nau kilomeetar lambee vishaal deevaar jisamen pravesh hetu nau get hai evan pashchim mein ek bahut bade praakrtik taalaab se is shahar ko ek surakshit kile ka roop diya gaya tha. yah mugalon dvaara banaaya gaya pahala poorv niyojit shahar hai. chand imaaraton evan deevaaron ko chhod sabhee imaaraten khandahar mein tabdeel ho gae hain. paanee kee samasya ke kaaran akabar ko doosaree jagah raajadhaanee banaanee padee. buland daravaaza eshiya ka sabase bada daravaaza hai.

hamalog shabistaan-e-iqabaal (jodhaabaee ka mahal) ka darshan kar baahar aae to paryatak vibhaag kee bas khadee milee. hamalog us par savaar hokar bas staind aa gae jo kee taiksee staind se 250 mee. kee duree par hee tha. bas staind ke paas hee paryatak vibhaag ka gulistaan naam ka hotal hai. vahaan ham logon ne khaana khaaya aur chal pade sikandara ke lie.

sikandara mein akabar evan jodhaabaee (mariyam zamaanee) ke do pramukh maqabaren hain. yamuna nadee ke kinaare akabar ka makabara hai. is vishaal makabara ka nirmaan kee shuruaat akabar ne kee aur is shahar ka naam bahishtaabaad rakha. abhee ye makabara banana shuroo hee hua tha ki 1605 ee. mein akabar kee mrtyu ho gaee. isake baad jahaangeer ne isaka nirmaan karaaya aur usee dauraan isake kuchh hee dooree par kaanch mahal ka nirmaan karaaya. yah mahal haram ya striyon ka aavaas-grh tha.jisaka upayog baadashaah jahaangeer shikaaragaah ke roop mein karata tha. akabar ka makabara ke paas sadak ke doosaree taraph jodhaabaee (mariyam zamaanee) ka maqabara hai jo raaja bhaaramal kee betee evan jahaangeer kee maan thee. jahaangeer ke janm par jodhaabaee ko mariyam zamaanee (vishv par daya rakhane vaalee) ka khitaab akabar ne diya. is makabare ka nirmaan bhee jahaangeer ne karavaaya.

akabar ka maqabara ka mukhya dvaar
akabar ka maqabara ke andaroonee dvaar
akabar ka maqabara ke saamane
kaanch mahal ke peechhe purush-ghar
kaanch mahal ka saeed vyoo
kaanch mahal
mariyam zamaanee (jodhaabaee) ka maqabara
thoda itihaas se itar :

jodha-akabar kee kahaanee to aap sab jaanate hai aur isake oopar banee philm evan seeriyal ke vivaadon ke baare mein suna hoga. raajapooton ka kahana hai ki vastutah jodha-akabar kee kahaanee kuchh is prakaar hai – jayapur ke raaja kee patnee jodhapur kee thee aur unakee parshiyan daasee kee ek putree huee. raanee ne daasee ko vachan diya ki daasee kee putree ko apanee putree banaegee aur usakee shaadee raajagharaane mein karengee aur yahee mansha usane apane pati aamer ke raaja bhaaramal ko pratham milan mein bataayee to raaja bhaaramal ne raanee ko vachan diya ki aisa hee hoga. jab harakhoo badee huee to koee raajapoot usase vivaah karane ko raajee nahin hua kyonki vah raajapoot na hokar ek daasee-putree thee. jab akabar ajamer shareef ja rahe the to bhaaramal ke yahaan ruke aur unakee chinta ko door karate hue bhaaramal se kaha ki main bhee raajapoot nahin hoon parantu mera paalan-poshan raajapoot parivaar mein hua aur vaisee hee sthiti aapakee betee ka bhee hai to agar aapako koee aapatti na ho to main aapakee betee se vivaah karane ko taiyaar hoon. is prakaar jodhaabaee evan akabar ka vivaah hua.
vistaar se padhane ke lie link ko klik karen.
http://www.thikanarajputan.in/jodh-bai-raial-story-history-of-jodh-akbar/

khair! 26 julaee kee subah hamalog taaz mahal dekhane gae. taaz mahal ke baare mein likhane nahin ja raha hoon parantu kuchh tasveeren saanjha karana chaahata hoon. to prastut hai tasveeren :-

vaah taaz kahana to banata hai.

mere putr dvaara taaz mahal ke jharokhe se lee gaee tasveer.

aagara kee yaatra garmee evan paseene ke saath karanee padee parantu aagara ne niraash nahin kiya 26 julaee shaam ka jhamaajham baarish ka nazaara len. dhanyavaad.
– © raakesh kumaar shreevaastav “raahee”

 

Karuna

6

 

karuna

shaakhon se patte jab toote patajhad mein,
shaakhen kab shok manaatee hain,
jab basant mein patte girate hain shaakhon se,
tab dekhana patte jahaan se toote the,
paanee ban aansoo vahaan tapakaatee hain.

jab koee apana asamay mein gujara ho,
bolo kaun hai jo, shok nahin manaata hai,
apano ke bichhadane ka gam hee na ho,
gam ho aur aankhon mein aansoo hee na ho,
maano ya na maano, jeev nahin vo patthar hai.

gar hai kisee mein jeevan to,
duhkh hai to aansoo nikalate hain,
sukh hai to utsav bhee hote hai,
koee kaise chup rah sakata hai,
jab apana koee bichhudata hai.

main madiraalay kee baat nahin karata,
main ambar kee bhee baat nahin karata,
nirjeev hain ye, nahin jeevan inamen,
inase main sukh-duhkh ka aur,
shok-utsav kee ummeed nahin karata.

jab ham patthar dil ban jaate hain,
daarun ghatanaen bahut see ghatatee hain,
dekho par ham kahaan shok manaate hain,
jab yahee ghatana judatee hai apano se,
aansuon ko ham kahaan rok paate hain.

praakrtik chakr ko samajho tum,
suraksha niyamon ko samajho tum,
tum se hee ye srshti chal paegee,
gar tum aisa kar paoge,
hraday ko karuna se bhar lo tum,
gar daarun ghatana kaheen bhee ho jae
to aankhon se aansoo bahao tum.

– © raakesh kumaar shreevaastav “raahee”

Baadal ka tukada

10-50-secrets-hospitals-recover-quicker

Baadal ka tukada

tum ne mujhe apana aasamaan maana,

tum ne mere sabhee aadeshon ko maana,

tumhaaree sabhee maange thee chhotee-chhotee

un maangon ko magar mainne kahaan maana.

na tumhen chaand paane kee chaahat thee,

na tumhen sitaaron kee khvaahish thee,

tumane maanga mere dil ka ek kona

mere lie tum anabujh pahelee thee.

athak karatee thee tum mehanat,

giratee ja rahee thee teree sehat,

magar main khudagarj aisa tha

pooree kee bas apanee hee chaahat.

sukoon kee zindagee meree, tere hee dam par hai,

is ghar kee hansee-khushee, tere hee dam par hai,

ye izahaar karane mein jeevan kee saanjh ho gaee

meree khata ko maaf karana ye bhee tum par hai.

duhkh sah kar rishton ko tumane tha pakada,

tumane na sunaaya apana koee bhee dukhada,

teree duniyaan ka aasamaan tha main

na de saka tumako baadal ka ek tukada.

– © raakesh kumaar shreevaastav “raahee”

Navavarsh

nutan-varsh-shubhkamna

Navavarsh

gaya disambar, ab mausam hai navavarsh manaane ka,

sudh lenee hai mujhako, dil mein basane vaalon ka,

de doon shubhakaamanaen sabako, par chinta hai bas itanee

kaheen chhut na jae naam koee, mere chaahane vaalon ka.

navavarsh ka din hai yaaron, khushee manaane ka,

yaaron ke sang khaana-peena, naachane-gaane ka,

nahin bhoolana unako yaaron jo kaam tumhaare aate

mauka hai, unake chehare par muskaan phailaane ka.

beete saal ke dard ko bhool, aage badh jaana hai,

navavarsh mein apane jeevan ko sapanon se sajaana hai,

kar lo pratigya, saakaar karenge apane sapanon ko

navavarsh mein milegee saphalata bas kadam badhaana hai.

gila shikava chhod kar sabako gale lagaana hai,

apanee khushiyon mein apano ko bhool na jaana hai,

kitana bhee ho masharooph tum apane hee karmon mein

sab kaam ko chhod, rote hue bachchon ko hansaana hai.

is navavarsh mein ham ko kuchh sankalp uthaana hai,

nasha-mukt ho hamaare yuva unhen raah dikhaana hai,

betee bachao, betee padhao ka sandesh phailaana hai,

striyon ka karen sammaan ye bachchon ko samajhaana hai.

– © raakesh kumaar shreevaastav “raahee”

Bhrashtaachaar

 

25178

Bhrashtaachaar

doosaron ke girebaan mein jhaankate ho,
doosaron ka zameer naapate ho,
doosaron ko bhrasht kahane se pahale
kya apanee aukaat jaanate ho.

bhrashtaachaar se pareshaan hain sab,
isako tumane chhoda tha kab,
bhrashtaachaar kee ghanee chhaanv mein
tum bhee to palate the tab.

isake chalate tumane insaaniyat ko chhod dee,
chand sikkon ke khaatir zameer apanee bech dee,
koee aisa kshetr nahin jahaan dikhaee na de teree asar
maan bhaaratee ke aanchal ko tune taar-taar kar hee dee.

jab chala bhrashtaachaar par khanjar,
badal sa gaya yahaan ka manjar,
log to pareshaan hai phir bhee, khush hain
ukhad jaega bhrashtaachaar ka jad.

aao ! ham ye saugandh uthaayen,
le-dekar ab kaam na chalaayen,
asamaanata ka ho khaatma
ham sab bhaarateey ek ho jae.

girebaan mein jhaankana – doshon ko dekhana

chitr http://www.palpalindi.chom/ se saabhaar

– © raakesh kumaar shreevaastav “raahee”